Wednesday, December 8

तेह्र बर्ष कोरिया बसेर फर्केका विरेन्द्रले बागलुङमा खोले १ करोड लगानीमा आधुनिक कृषि फार्म

October 21, 2021 703

विसं २०४२ मा पर्वतको मल्लाजबाट बागलुङ बजार बसाइँ सरेका ४८ वर्षीय वीरेन्द्रकुमार पुन रोजगारीका लागि कोरिया गए। केही वर्ष कोरिया बिताएर नेपाल फिरे पनि पुनः २०६० सालमा कोरिया नै गए। त्यसपछि श्रीमती सादगी केसी थापाले बागलुङ बजारमा फेन्सी पसल सञ्चालन गरिन् ।

तेह्र वर्षको कोरिया बसाइ सकेर बागलुङ फर्किएका पुन र उनकी श्रीमती अहिले बागलुङका काठेखोला गाउँपालिका–५ स्थित बिरौटा गाउँमा बस्छन्। बजारको सुखसयलमा बिताएका दिनहरु बिस्तारै गाउँले जीवनमा घुलमिल हुँदै छन्। ए’कान्त गाउँमा जम्मा पाँच घर रहेको बिरौटाका मानिसहरु बिस्तारै बसाइँसराइ गरेका कारण घरहरु रि’त्ता जस्ता देखिन्छन्।

कोरियामा परिश्रम गरेको बानीले वीरेन्द्रलाई सहरको को’लाह’ल खासै मन परेन। फलस्वरुप डेढ वर्ष काठमाडौँको फर्पिङमा बिताए । कोरियामा कम्पनीमा काम गरे पनि कृषिलाई नजिकबाट नियालेका वीरेन्द्रले नेपालमा कृषिको राम्रो सम्भावना देखे। फर्पिङमा साथीहरुसँग मिलेर कृषि पेसाका लागि टनेल जस्ता फार्मका लागि आवश्यक काम गरेर बिताएपछि उनलाई गाउँ गएर नमूना कृषि फार्म स्थापना गर्न सकिन्छ भन्ने लाग्यो।

उनले २०७६ सालदेखि जग्गा खोज्दै भौँ’तारिए। अन्ततः काठेखोला गाउँपालिकाको एक समथर भूभाग रहेको बिहुँ बिरौटामा राजु खड्कासँग मिलेर ७० रोपनी जग्गा खरिद गरे । निकै शान्त वातावरणमा कृषि कर्म गर्ने उद्देश्यले राजु खड्कासँग मिलेर पुनले जग्गा खरिद गरी बागलुङ कालिका कृषि तथा पशुपक्षी फार्म स्थापना गरेका छन्।

एक वर्षदेखि बिरौटाान पुन बस्दै आएका छन् ‘ए’कान्तमा बसेर कृषि कर्म गर्ने रहर लाग्यो, कृषिका केही अनुभव र फार्म विकासको कोरियामा देखेको नमूना सदुपयोग गर्ने भनेर एक वर्षदेखि यहाँ आएर बसेको छु,’ उनले भने, ‘कृषि र पशुपालन गर्ने उद्देश्य छ, अहिले बाख्रा, कुखुरा र हाँसबाट फार्मको सुरुआत भएको छ, अहिलेसम्म जग्गासहित १ करोड लगानी पुगिसकेको छ ।’ पुनका अनुसार फार्ममा अहिले भौतिक पूर्वाधारको कामसमेत धमाधम चलिरहेको छ। फार्म तारबार गर्ने, सडकको पहुँच निर्माण गर्ने लगायतका काम भइरहेको छ।

२०० बाख्रा क्षमताको फार्म निर्माण भइसकेको छ। अहिले स्थानीय जातका १६ बाख्रा फार्ममा छन्। स्थानीय जातका ५० कुखुरा, अमेरिकन हाँस ५० रहेका छन्। टनेलमा तरकारी रहेको छ। केही रोपनी खेतमा धान फलिरहेको छ भने केही खरबारी छ। बाख्रापालनका लागि उनीहरुले खरबारीसमेत खरिद गरेका छन्।

‘एउटा नमूना फार्मका रुपमा विस्तार गर्ने उद्देश्य छ, फार्ममा दूधदेखि मासु उत्पादनमा सबै पशुपालन गर्ने, तरकारीमा मौसमी र बेमौसमी सबै प्रकारका,’ उनले भने, ‘गाउँमा आनन्दले बस्दै जाने कमाई भएको रकमले फार्मलाई बढाउँदै लैजाने, पछि ७० रोपनी जग्गालाई नै फार्मका रुपमा विकास गरिने योजना छ, कति सकिन्छ।’ बाख्राका लागि चाहिने अन्न तथा घाँस त्यही उत्पादन गर्ने, कुखुरालाई दाना अन्नबाटै निर्माण गर्ने लगायतका योजना रहेको छ।

वीरेन्द्रले अघि सारेको योजनामा हातमा हात मिलाएको खड्काले बताए। उनले को’रा’नापछि कृषिमा केही गर्ने सोच पलाएको र दीर्घकालीन योजनासहित गाउँपालिकाको एउटा कुनोमा घर जग्गा खरिद गरेको बताए। खड्काले बागलुङ नगरपालिका–१३ कालाखोला बगरमा समेत नौ रोपनी जग्गामा कृषि कार्य थालेका छन्। को’रो’नाअघि उक्त जग्गा बाँझै रहेको भए पनि कोरोनापछि त्यहाँ धान र तरकारी खेती गरेका छन्। खड्काले उक्त जग्गामा कफी खेती गर्ने योजनासमेत बनाएका छन्। यो समाचार पालिका खबरमा प्रकाशित छ।

प्रतिकृया दिनुहोस्