Tuesday, May 24

धूलोले ढाक्यो कोरिया, कहिले सम्म रहन्छ यो? धूलोबाट जोगिन अपनाउनुस यस्ता सावधानी

November 21, 2021 448

शनिवार तथा आइतबार दक्षिण कोरियाका अधिकाँस ठाउँमा धूलोले आकाश ढाकेको छ। धूलोबाट जोगिनका लागि यहाँका स्वास्थ अधिकारकर्मीहरुले बूढापाका र स्वास्थ अवस्था असामान्य भएका व्यक्तिहरुलाई घर भित्रै रहन सल्लाह दिएका छन।

दिउँसो १२ बजेसम्म धूलोको डेनसिटी २.५ पिएम रहेको छ जसको अर्थ एकदमै खराब अवस्था भन्ने बुझिन्छ। कोरियाको सरकारबाट सन्चालित कोरिया वातावरण कर्पोरेशनका अनुसार यो २.५ पिएम राजधानी सउल, इन्छन, ख्यङ्गिदो प्रदेश तथा छुङछननाम्दो प्रदेशमा रहेको छ। यि बाहेक ख्वाङ्जु र छल्लानाम्दो प्रदेशभन्दा अन्य क्षेत्रमा हावाको गुणस्तर खराब रहेको छ।

हावाको धूलोको मात्रा जसलाई पिएम १० भनिन्छ यो सउल, ख्यङ्गिदो तथा देशको केन्द्रिय तथा उत्तर पूर्वि भूभागहरुमा खराब रहेको छ भने यि भन्दा बाँकी क्षेत्रमा औषत रहेको बताइएको छ।

पिएम २.५ र पिएम १० को अर्थ हावामा धूलाका कणहरुको जसको आयतन २.५ माइक्रोमिटर र १० माइक्रोमिटर रहेका हुन्छन। दक्षिण कोरियाले हावामा रहेको धूलोको मात्रालाई ४ भागमा बाँडेर मापन गर्दछ। पहिलो नम्मरमा राम्रो दोश्रोमा औषत तेश्रोमा खराब र चौथोमा एकदम खराब।

गत विहिवार रातिबाट चीनबाट कोरियातर्फ आउन थालेको स साना धूलाका कणहरुका कारण यहाँको हावाको गुणस्तर बिग्रिएको हो। शुक्रबार अवेर कोरियाको राजधानी सउल र ख्यङ्गीदो प्रदेशका लागि ६ महिनापछि पहिलोपटक धूलोबाट बच्नका लागि सूचना जारी गरिएको थियो। यस बाहेकका अन्य क्षेत्रमा समेत शनिवार धूलोबाट जोगिनका लागि सूचना जारी गरिएको छ।

प्रतिकृया दिनुहोस्