Thursday, October 6

दक्षिण कोरियामा ७३ प्रतिशत जनता तनावमा, पैसा दिएर खोज्छन् शान्ति, आरामका लागि जेल नै बस्न तयार

January 2, 2022 489

दक्षिण कोरियामा मानिस कोरोना महामारीको लामो प्रभाव र कामको दबाबले हैरान भइसकेका छन् । यहाँका मानिसमा पैसा खर्चिएर शान्ति खोज्ने प्रवृत्तीमा वृद्धि भइरहेको छ । यो प्रवृत्तीलाई ‘हिटिङ मङ्ग’ नाम दिइएको छ । ल फर्ममा काम गर्ने ३९ वर्षीय हान लामो सिफ्टपछि आनन्दको खोजीमा छिन् । उनी भन्छिन्, ‘जीवनमा तना’व बढिरहेको छ । मेरी साथीले पनि यस्तै महसुस गरिरहेकी छिन् । म केही दिन अघि बाटोमा हिँडिरहेकी थिएँ । एक व्यक्ति मसँग ठोक्किए । पहिला भएको भए हामी दुबैले माफी माग्थ्यौं र आ–आफ्नो बाटो लाग्थ्यौं । तर अब अहिले जो पनि यति रिसाएका हुन्छन् कि झगडा सुरु भइहाल्छ ।’

यस्तो अवस्था अब सामान्य भइसकेको छ । कम्पनी पनि संघर्ष गरिरहेका छन् । दम्पत्ति तर्क–बितर्क गरिरहेका छन् । किनकी उनीहरुलाई पैसाको चिन्ता छ । जो कोही पनि निराशाको सागरमा डुबेका छन् । मानिसलाई निराशाको भुमरीबाट निकाल्नका लागि हिटिङ मङ्गको संस्कृति लोकप्रिय भइरहेको छ । मानिसहरु परिवार बिना आनन्द आउने स्थानको खोजी गरिरहेका छन् ।

यो अवधिमा उनीहरु कलम र नोटप्याड मात्रै आफ्नो साथमा राख्ने गरेका छन् । यस अन्तर्गत उनीहरु नदी वा समुद्रको किनारामा रहेका रेष्टुरा र क्याफेमा बसेर प्रकृति नियालिरहेका छन् ।यस्ता स्थानमा कडा मौनताको नियम छ । कयौँ सिनेमाघरहरुले ४० मिनेटको फ्लाइट चलचित्र देखाउँछन् । ‘बादलको बीच थोरै आराम लिनुहोस्’ भनेर आव्हन गर्छन् ।जेजू द्विपमा एउटा प्रतियोगिता भयो । यसमा मुटुको धड्कन सबैभन्दा कम चलेका व्यक्तिलाई पुरस्कृत गरियो ।

गंगवन प्रान्तमा ह्यापिटरी फाउनडेसनले एउटा जे’ल बनाएको छ । यहाँ मानिस कागज कलम लिएर ४८ घण्टासम्म बस्न सक्छन् । यो संस्थाकी प्रवक्ता वू सुंग–हुन भन्छिन्, ‘यहाँ मानिस आफैसँग सामना गर्नका लागि आउने गर्छन्, आफैँलाई विभिन्न प्रश्न सोध्छन् र वास्तविक खुसी पाउँछन् । कुनै बाधा बिना एकान्तमा बस्दाको अनुभवले उनीहरुलाई भविष्यका लागि तयार हुने शक्ति दिन्छ ।’

स्कूलका दिनदेखि नै बच्चामा भरिन्छ सफलताको चाहना, आत्मह’त्या दर सर्वाधिक दक्षिण कोरियाली समाज असाध्यै प्रतिस्पर्धी छ । यहाँ दोस्रो विश्वयुद्धपछि नै बच्चामा सफल हुनुपर्छ भन्ने दबाब दिइन्छ र यहाँ युवा पुँजीवादी सफलतालाई जारी राख्ने आफ्नो कर्तव्य ठान्छन् । यसका कारण एउटा तना’वग्रस्त समाज सिर्जना हुन्छ । महामारीले यसमा वृद्धि गरेको छ । एक सर्वेक्षणका अनुसार ७३ प्रतिशत जनसंख्या आफूलाई तना’वग्रस्त मान्छ । औद्योगिक दुनियाँमा आत्मह’त्या दरको मामिलामा दक्षिण कोरिया शीर्ष स्थानमा छ। एजेन्सी – रातोपाटीबाट

प्रतिकृया दिनुहोस्