अपि पावर कम्पनीको बोनस सेयर सूचिकृत

आज अपि पावर कम्पनी लिमिटेड (API) को १७ लाख २० हजार ५६१.५० कित्ता बोनस सेयर नेपाल स्टक एक्सचेन्जमा सूचिकृत भएको छ।

हालै भएको यस कम्पनीको बार्षिक साधारणसभाले आर्थिक बर्ष ०७५/७६ को ५ प्रतिशत र आर्थिक बर्ष ०७६/७७ को ९ प्रतिशत बोनस पारित गरेको थियो। कर प्रयोजनका लागि आर्थिक बर्ष ०७५/७६ को बोनसका लागि ०.२६ प्रतिशत नगद लाभांश तथा आर्थिक बर्ष ०७६/७७ को बोनसका लागि ०.४७ प्रतिशत नगद लाभांश समेत रहेको थियो।

आर्थिक बर्ष ०७५/७६ को बोनसका लागि कम्पनीले २०७६ साल चैत १ गते नै बुक क्लोज गरिसकेको थियो। यो मिती भन्दा अघिल्लो दिन सम्म कायम सेयर धनीहरुले मात्र ५ प्रतिशत बोनस पाउनेछन्। त्यसैगरी आर्थिक बर्ष ०७६/७७ को बोनसका लागि कम्पनीले २०७७ मंसिर १ गते बुक क्लोज गरेको थियो। यो मितिभन्दा अगाडी कायम सेयरधनीले ९ प्रतिशत बोनस पाउनेछन्। आर्थिक बर्ष ०७६/७७ को ९ प्रतिशत बोनस अघिल्लो आर्थिक बर्षको ५ प्रतिशत बोनस थप गरि हुन आउने सेयरको ९ प्रतिशतले पाउने हुन्।

अहिले अपि पावर कम्पनीको प्रतिकित्ता २८० रुपैयाँमा नेपाल स्टक एक्सचेन्जमा कारोबार भइरहेको छ।